ہفتہ , جنوری 18 2020
تازہ ترین
Home / انٹرنیشنل / بھارت نے ترک صدر کی پیشکش مسترد کردی

بھارت نے ترک صدر کی پیشکش مسترد کردی

بھارت نے ترک صدر کی جانب سے ثالثی کی پیشکش مسترد کردی ہے۔ کشمیر کو اپنا اٹوٹ انگ اور مسئلہ کشمیر کو دوطرفہ قرار دے دیا ہے۔ ترک صدر رجب طیب اردوان سے ملاقات میں نریندر مودی نے مسئلہ کشمیر کو دو طرفہ قراردے دیا۔

دفتر خارجہ پاکستان نے کشمیر کا مسئلہ حل کرنے کے لیے ترک صدر کی ثالثی کی پیشکش کا خیر مقدم کیا ہے۔ترجمان دفتر خارجہ کا کہنا ہے کہ مقبوضہ کشمیر میں انسانی حقوق کی سنگین خلاف ورزیوں پرعالمی سطح پر تشویش ہے۔

دوسری جانب بھارت کی ہٹ دھرمی برقرار، ترک صدر کی جانب سے ثالثی کی پیشکش بھی مسترد کردی اور مسئلہ کشمیر کو دو طرفہ قرار دیدیا۔

ترک صدر رجب طیب اردون کے 2 روزہ دورہ بھارت کے اختتام پر نئی دہلی میں میڈیا سے بات کرتے ہوئے بھارتی وزارت خارجہ کے ترجمان گوپال باگلے نے کہا کہ جہاں تک مسئلہ کشمیر کا سوال ہے تو ہم پاکستان کے ساتھ بات چیت کے لیے ہمیشہ تیار ہیں۔ ہم صرف کشمیر ہی نہیں بلکہ تمام حل طلب مسائل پر بات چیت کے لیے ہمیشہ تیار ہیں۔

ان کا کہنا تھا کہ مسئلہ کشمیر کو حل کرنے کے سلسلے میں پہلے بھی دو طرفہ کوششیں کی گئی ہیں، ہم مسئلہ کشمیر کو شملہ معاہدے اور لاہور اعلامیے کے مطابق مذاکرات کے ذریعے حل کرنا چاہتے ہیں۔

ادھر ترجمان دفتر خارجہ نے مسئلہ کشمیر کے حل میں ثالث بننے کی پیشکش کا خیر مقدم کیا ہے۔ایک بیان میں کہا گیا اقوام متحدہ، او آئی سی نے مسئلہ کشمیر کے حل کی ضرورت پر زوردیا اور مقبوضہ کشمیر میں انسانی حقوق کی سنگین خلاف ورزیوں پرعالمی تشویش ہے۔

ترجمان دفتر خارجہ نے کہا ہے کہ امریکا سمیت عالمی برادری نےبھی مسئلہ کشمیرکےحل کی ضرورت پر زور دیا ہے۔پاکستان نے انسانی حقوق اورمسئلےکےحل کیلیےبیانات اور کوششوں کا خیر مقدم کیا۔

اس سے پہلے دورہ بھارت کے موقع پر ترک صدر رجب طیب اردوان نے نہ صرف مسئلہ کشمیر کے حل کے لیے ثالثی کی پیشکش کی تھی بلکہ پاکستان کی مخلصاںہ کوششوں کا بھی کھل کر ذکر کیا تھا۔

بھارتی ویب سائٹ اور ٹی وی کو انٹرویو دیتے ہوئے ترک صدر نے بھارت سرکار کو دو ٹوک انداز میں مشورہ دیا کہ مسئلہ کشمیر میں دو طرفہ مذاکرات کے بجائے کثیر الجہتی مذاکرات ہونے چاہیے اور ضرورت پڑنے پر ترکی بھی اس بات چیت میں شامل ہوسکتا ہے۔

About نیوز 9

Check Also

معروف کمپنی پےپال نے پاکستان آںے سے انکار کر دیا

ے پال نے آنے سے انکار اس لیے نہیں کیا کہ اسے پاکستان میں کام …

جواب دیں