جمعہ , مئی 17 2019
تازہ ترین
Home / انٹرنیشنل / ہالینڈ میں رہائش پذیر گستاخ رسولﷺ کا مولانا خادم رضوی کی ضمانت پر ردعمل

ہالینڈ میں رہائش پذیر گستاخ رسولﷺ کا مولانا خادم رضوی کی ضمانت پر ردعمل

مجھے جان سے مارنے کا فتوی دینے والا مجرم رہا کیسے ہو سکتا ہے؟۔ گیرٹ وائلڈرز کی مولانا خادم رضوی کی رہائی کے فیصلے کی مخالفت

ہالینڈ (نیوزنائن تازہ ترین۔17مئی2019ء) ہالینڈ میں رہائش پذیر گستاخ رسولﷺ گیرٹ وائلڈرز نے تحریک لبیک پاکستان کے سربراہ مولانا خادم رضوی کی ضمانت کی سخت مخالفت کی ہے۔ گیرٹ وائلڈرز کا سماجی رابطوں کی ویب سائٹ ٹویٹر پر ٹویٹ کرتے ہوئے کہنا تھا کہ مجھے جان سے مارنے کا فتوی دینے والا مجرم اور اسلامک دہشت گردرہا کیسے ہو سکتا ہے؟۔ گیرٹ وائلڈرز کی مولانا خادم رضوی نے رہائی کے فیصلے کی مخالفت کی۔

اس سے قبل ہالینڈ میں مقیم گستاخ رسول گیرٹ وائلڈرز نے تحریک لبیک کے قائد خادم حسین رضوی کی گرفتاری پر عمران خان کا شکریہ ادا کیا تھامائیکروبلاگنگ ویب سائٹ ٹویٹر پر اپنے پیغام میں گستاخ رسول گیرٹ وائلڈرز نے کہا کہ عمران خان آپ نے مجھ پر فتویٰ لگانے والے خادم حسین رضوی کو گرفتار کر کے بہت اچھا کام کیا ہے۔

اس بات کو یقینی بنائیں کہ یہ اپنی پوری زندگی جیل میں ہی گزارے۔

یاد رہے کہ گستاخ رسول گیرٹ وائلڈر نے ہالینڈ میں گستاخانہ خاکوں کے مقابلے کا اعلان کیا تھا جس پرپاکستانی حکومت نے سخت رد عمل کا اظہار کیا جس کے بعد گستاخانہ خاکوں کے مقابلے منسوخ کر دئے گئے۔ یکم ستمبر کو ہالینڈ میں گستاخانہ خاکوں کا مقابلہ منسوخ ہونے کے بعد پاکستانی عوام اور دنیا بھر میں موجود مسلم اُمہ نے سُکھ کا سانس لیا۔لیکن گستاخ رسول گیرٹ وائلڈرز نے مسلمانوں کو مزید دھمکی دے دی ۔ ہالینڈ میں گستاخانہ خاکوں کے مقابلے کی منسوخی کے بعد وفاقی وزیر خارجہ شاہ محمود قریشینے بیان دیا کہ گستاخانہ خاکوں کے مقابلے کی منسوخی مسلم امہ کے لیے ایک اخلاقی فتح ہے۔

جس پر گستاخ رسول گیرٹ وائلڈرز نے مائیکروبلاگنگ ویب سائٹ ٹویٹر پراپنے پیغام میں کہا کہ پاکستانی حکومت ، اتنی جلدی اپنی فتح کا دعویٰ نہ کریں، میں نے ابھی ہار نہیں مانی۔میں دیگر طریقوں سے آپ کی بربریت کو بے نقاب کروں گا۔

واضح رہے کہ گستاخ رسول گیرٹ وائلڈرز قتل کی دھمکیوں کے باعث مقابلہ منسوخ کرنے پر مجبور ہوا تھا، حکومت پاکستان کی کامیاب اور مؤثر سفارت کاری نے بھی مقابلے کو منسوخ کروانے میں اہم ترین کردار ادا کیا۔ پاکستان میں عوام کی جانب سے کیے جانے والے بھرپور احتجاج اور حکومت پاکستان کے مؤثر موقف اور سخت ردعمل کے باعث ہالینڈ میں شیڈول گستاخانہ خاکوں کا مقابلہ منسوخ کر دیا گیا تھا۔

About نیوز 9

Check Also

میٹروپولیٹن کارپوریشن کی بڑی نااہلی سامنے آگئی

( لاہور نیوزنائن امجد ملک ) میٹروپولیٹن کارپوریشن کے زیر کنٹرول شاہراہوں سے 54 فیصد …

جواب دیں